خير اللهم اجعله خير، صحيت انهاردة وكل اللي على بالي كتاب التاريخ المشوه بتاع ثانوية عامة! اختكم اول دفعة في الثانوية العامة الجديدة -ايام ماكانت جديدة- اللي هي نظام سنتين واربع فرص واوكازيون تحسين مجموع واربعة وعشرين شهر لاضمين في بعض..
قوم ايه؟ الجهابذة بتوع التربية والتعليم اذ فوجئوا بالقرار بتاع دمج المناهج للصفين الثاني والثالث الثانوي لان المادة تدرس مرة واحدة اما في المرحلة الاولى او الثانية. وطبعا الناس دي محدش يقدر بجبرها تشتغل، قالك احنا لسة هنعمل منهج جديد ونقرف نفسينا؟ العيال تاخد كتاب تانية وكتاب تالتة وتعيش بقى، مش هيدخلوا الامتحان كذا مرة؟ يبقوا يذاكروهم على مهلهم.. قوم ايه؟ عندك تاريخ مصر من اول الفتح الاسلامي لغاية عصر المخلوع ورجوع طابا وبتاع. عيش بقى يا ﻃﺎﻟﺐ ﺍﻟﻌﻠﻢ. وانا والتاريخ ورقصني يا جدع!.. اختكم تموت في التاريخ، وفشلت الوزارة السو وكل حيلها المسمومة انها تكرهني فيه خلال سنوات التعليم المخرب الهدام، لاني كنت اقرأ التاريخ من كتب خارجية.. لا مش سلاح التلميذ ﻳﺎ ﺧﻔﻴﻒ.. كتب تاريخ بجد. والمدرسة الصراحة كانت مكتبتها شديدة الثراء، ومازال الباحثين يرتادوها ﺇلى اﻵن لما تحتويه من كتب نادرة.. المهم كل القصة الطويلة العريضة دي عشان افتكرت صغحة في كتاب التاريخ كاﻧﺖ ﺑﺘﺘﻜﻠﻢعن الصراع الفكري في فجر القرن العشرين بين تيارين اسموهم ب”التيار السلفي” و”التيار الغربي”. حبايب قلبي يا بتوع المناهج! طبعا التيار الغربي دي تديك احساس انهم فرنجة.. انما وياللهول، يعرفهم كتاب الوزارة ﺍللولبي بانهم المصريين اللي اتعلموا برة وتأثروا بثقافة الغرب فقوم ايه عايزين ينشروها في مصر.. انما وقف لهم عتاولة الفكر التقليدي، اللي حبايبي بتوع المناهج سموه “التيار السلفي” بالمرصاد. وﻷن اللي كتب كتاب التاريخ كان في الاصل كنفاني (بتاع كنافة) فقالك يهدي النفوس يعني، وان الخلاف بينهم كان متكافيء وكل طرف له اسباب وجيهة يعني، وكتاب يطلع ضده كتاب وعاشوا في تبات ونبات وكلوا كنافة بالقشطة وحلويات. لا جاب بقى سيرة تكفير ولا تأسيس جماعة الاخوان وهدم المشروع التحديثي لمصر وضرب الليبرالية الوليدة واستهداف حزب الوفد ولا اي حاجة. هو كدة اذا كان عاجبكم! قوم انا بقى قلت لاستاذ محب، مدرس التاريخ الله ﻳﺼﺒﺤﻪ ﺑﺎﻟﺨﻴﺮ، اني احتج واعترض. قوم هو كمان اعترض واعلن ان كتاب التاريخ دا جريمة، وانه للي عايز يبقى حمار بشهادة. وفعلا كان ﻣﺜﺎﻝ ﻧﺎﺩﺭ للمعلم المخلص لعلمه، ولم يبخل علينا بالمعلومات التاريخية الشاملة وكان بيحكيلنا عن دراسته للتاريخ في الجامعة وفلسفة التاريخ، ويرشد اللي عايز يفهم لمراجع. انما للاسف، جريمة الوزارة اللي ﺣﻄﺖ التاريخ مادة اختيارية جعلت من يستفيدوا من علم هذا الاستاذ الفاضل في الثانوية العامة هن 10 طالبات اول عن آخر! ولما صحيت على صورة كتاب الوزارة الكابوسي، قلت لن ابخل على اصدقاء الفيس بوك بمشاركتهم هذا الكابوس.. ووجدتها فرصة لادراك السر وراء خوف المصريين “التاريخي” من الليبرالية.